Sunday, April 8, 2012

за . јазичните. работи .


  Уште од создавањето на блогот беше своевиден issue на кој јазик да биде пишувано, и нели логично ѕирнав како другите го прават тоа. Опции беа следниве:

  1. Се на англиски. Сите го разбираат, или би требало да го разбираат, солидно го владеам (барем така си верувам) а и навикната сум да пишувам.
Пример - мојот блог сега за сега изгледа така.
  2. Дупли текстови. Прво на англиски, па на мајчиниот јазик, што има смисла, ама во земји со поголеми блогерски заедници од нашата, каде што има голем број на блогови од истава категорија. А и цело време ќе се туфкам дали е соодветно преведено и дали ќе ме уапсат Grammar Nazis.
Пример - Raspberry And Red пишува и на англиски и на полски.
  3. Само на македонски, па кој сака, бујрум има Google Translate, кој ќе го искасапи текстот и ќе направи врвно неписмен превод.
Пример - Pandora пишува само на француски, и јас користам Google Translate за овој блог.

  И што се случи - после првите постови испадна дека никој од Македонија ниту ми коментира ниту ми е во официјалните followers, иако според статистиката најмногу читатели ми се од тука. Така некако самото се одлучи да пишувам на англиски се додека не дојде до некаква интеракција со македонската блогосфера. И делумно се случи, заслуга на Skopje Casual, нивниот пост за мојот блог, и моето реактивирање на твитер после 3 години.
И сега пак од ново истата дилема. Да ви кажам искрено, имав во претходните постови бекнато по нешто на македонски, и некако ми се бендиса, па последниот отиде така, скроз на нашки!
  Затоа барам помош и предлози од вас - да остане на англиски или некои новини да се воведат?



слика од зајче затоа што трпеливо читавте и ќе ми помогнете
 

8 comments:

Erina said...

Ubavo bi bilo, shtom imash i domashni i stranski chitateli da imash tekstovi na angliski i makedonski. Ako se somnevash za nekoj prevod sekogash mozesh da prashash za sovet. Plus toa e tekst koj shto samata go pishuvash, taka shto kje imash celosna sloboda vo toa kako sakash da bide preveden :) Hope this is useful :)

Mihaela Janevska said...

Јас мислам дека треба да ти остане како што е, на англиски бидејки многу се долги постовите ако ги имаш и двата јазика. А ако пишуваш само на македонски луѓето не од македонија нема да разбираат ништо и тоа мене многу ме нервира кај Pandora :)
ако сакаш можеш и нешто да пишеш малце на македонски но не цели постови :)) <3

Бј. said...

Целата работа е како тебе ти е боље. На македонски имаш многу повеќе ограничувања и од типот кој ќе разбере и што и како ќе кажеш (на пример „
беше своевиден issue “ е најлоша варијанта од сите можни - Ако пишуваш на македонски - не вака=)). А за англискиот, овде секој што те чита - разбира, ама секад ќе има некои што ќе мрчат како се праиш којзнае што со тоа што пишуваш на англиски. Ако моеш да се носиш со тоа -терај.
П.С. Тоа со преводот е нелогичен аргумент пошто станува за твоја мисла што ја изразуваш на два јазика, а не превод на Џејмс Џојс.
П.П.С. Јас искрено мислам дека поарно звучиш на англиски, чудна си ми некако на македонски.

Littleladyida said...

Прво треба да одбереш кој јазик ќе ти биде примарен,македонскиот или англискиот. Второ,направи да има превод на истиот пост за да не ти се појавуваат дуплирани постовите (да кажеме копче English/Macedonian) :) а за преводот ич да не ти е гајле :) на крајот на денот,без разлика на кој јазик прво пишуваш,преводот треба да ја опфати смислата на она што сакаш да го кажеш,а не да биде се буквално преведно. 

Tea Trpovska said...

Пиши си на македонски, со превод на англиски. Ми требаше слика и твитер да видам за да знам дека блогов е на наша девојка.

Тами said...

Продолжи како што си е, многу е подобро кога блогот е на англиски. 

А по некое постче на македонски никогаш не е на одмет :)

Simona said...

Mila Angela, pisuvaj si kako i do sega. Mene blogot mnogu mi se dopaga, i miksot od Angliski i Makedoski mi e interesen i avtenticen kako sto si vprocem i ti. Taka da ne se zamraj mnogu so drugite kometiraat. Postiraj i uzivaj ;)
Pozdrav!

Marina Risteska said...

Прво да ти речам едно огромно браво за блогов, многу ми се допаѓа и веќе го следам некое време. Второ и јас го имам истиот проблем, ок јас почнав да блогирам пред еден месец ама не знаев дали на македонски или на англиски да пишувам или на италијански бидејќи живеам таму па до негде би држел вода муабетот. На крајот се одлучив само на англиски да пишувам, пошо секој го разбира (нели кај нас во Македонија се вели дека англискиот јазик бил зборуван нашироко). Така да да не испадне реферат коментаров, јас мислам да продолжиш да пишуваш на англиски и некогаш кога постовите ке ти се однесуваат само за македонската јавност можеш да ги напишеш на македонски.
Поздрав и keep up with the good work :)

LinkWithin

Related Posts Plugin for WordPress, Blogger...
Powered by Blogger.
Scroll To Top